كلمات راب اغنية ساحات الحرم

الكورسات

Slow Moe

الفيرسات

Klash


الفيرس 1
ابغى اتكلم سالفه الظاهر سارت منسيه
انه مدينه الرسول هذي لها قدسيه
هذي ديار الانصار اول عاصمه للاسلام
هذي المدينه لها في قلب الحبيب اعلى مقام
هذي المدينه واجب نعرف قدرها
واجب علينا نحترم بقيعها و حرمها
واجب علينا اكثر من ذلك مع الف سبب
بس الي اشوفوا في هذي الاعوام ثور في قلبونا غضب
في كل عيد حج يجتمع سفهاء القوم
و المصيبة ما يلاقوا اي لوم
قيمة الوقاحه و قيمه الانحطاط
مابينهم و بين الغيره على الدين اي ارتباط
ما هذا المصاب الي نشوفه شوف العين
شباب و بنات يتعارفوا بس قولوا وين؟
في ساحات الحرم ما فيكم حد محترم
تبغوا العذاب ينزل علينا من القوي ذو الكرم


الفيرس 2
قبر الحبيب يبعد عنكم امتار
ما غرتوا على الرسول ولا حتى غرتوا على العار
حتى ال البيت ما لقوا منكم مهابه
ما غرتوا على البقيع ما غرتوا على الصحابه
سفهاء القوم ما لقوا اي رادع
فوق ما احنا موجوعين زودوا المواجع
مين يوقف هذول لو غبضب ربنا حل
لا تقولوا كيف و هل شوفوا لهم حل
بنات فول ميك اب شباب شعروا مصبوغ
معقول لا ام لا اب يدرون بهذا الموضوع
ترقيم غزل مواعيد شئ خلى قلبي موجوع
هل القى مسئول صوتي عنده مسموع
و الخافي ما ابغى اقوله ابد ماني ناوي
اسال فنادق الحرم بتحكيك الحكاوي
بتبكيك الحكاوي لو كان في قلبك غيره
على رسول الله الي قلوبنا له اسيره


الفيرس 3
لما نغطي الاحترام بأفلامه و رسومه
على حبيبنا مافي احد ما اتكدر يومه
بس قبل لا نغضب قبل ما تقوموا
لوموا الي منا قبل ما تفكروا تلوموا
لا بد نوعيهم ننحفظ لرسولنا الهيبه
لازم نعلمهم ايش هو قدر ارض طيبه
طيبه الحبيبه طيبه ابد لا تحسي بالخيبه
ارضك مباركه افديكي انا و زي كتيبه
نتكلم من دافع غيره ما نبغى اي جزاء
ما نبغى اي مديح غير رضى رب السماء
لابد اننا نتحرك نشوف لهذا الوضع حد
لابد اننا ناخذ الموضوع على محمل الجد
هذي رسالة للكبير قبل الصغير
كلكم مسئول على هذا الشئ الي يصير
لو سكتنا على الوضع اجل مافينا خير
صغرنا لا يطيحوا في غلط طاح فيه الغير

الكورس
في ساحه الحرم
في مدينه الرسول ايش الي يصير في ساحه الحرم
لازم من كلنا مسوءل ايش الي نشوف في ساحه الحرم
قبل العدو يقوم لازم نكون في ساحه الحرم
_____________

رابط الاغنية :


https://www.youtube.com/watch&v=6rYj8B81I2U